Sigurður Ingvi íþróttamaður ársins í Dalvíkurbyggð.

Sigurður Ingvi Rögnvaldsson úr Golfklúbbnum Hamri á Dalvík var í gærkvöldi kjörinn íþróttamaður ársins í Dalvíkurbyggð. Sigurður Ingvi varð á þessu ári fyrsti landsliðsmaður Golfklúbbsins Hamars. Hann tryggði sér sæti í unglingalandsliðinu og keppti fyrir hönd Íslands á Evrópumóti unglingalandsliða.

Þá varð hann í öðru sæti á Íslandsmótinu í höggleik, unglinga 17 til 18 ára. Einnig varð hann Norðurlandsmeistari í 17-18 ára flokki unglinga. Sigurður Ingvi hefur verið í fremstu röð í sínum aldursflokki um árabil og hefur með þrautseigju stundaði æfingar og keppni af miklu kappi og dug.

Í kjöri voru eftirtaldir:
Anna Kristín Friðriksdóttir Hestamannafélagið Hringur
Björgvin Björgvinsson Skíðafélag Dalvíkur
Eva Hrönn Arnardóttir Sundfélagið Rán
Kristinn Þór Björnsson UMFS
Ólöf Rún Júlíusdóttir Reynir
Stefanía Aradóttir UMFS
Sigurður Ingvi Rögnvaldsdóttir Golfklúbburinn Hamar

Auk þess að lýsa kjöri Íþróttamanns Dalvíkurbyggðar voru veittar viðurkenningar til þess íþróttafólks sem setti Íslandsmet eða vann íslandsmeistaratitla í sínum keppnisgreinum á árinu og þar á meðal voru "stelpurnar okkar" Íslandsmeistararnir úr sveitakeppni stúlkna 15 ára og yngri.

 

GHD Íslandsmeistarar!!

Stelpurnar okkar voru rétt í þessu  að vinna Íslandsmeistaratitilinn í sveitakeppni stúlkna 15 ára og yngri. Þetta er ein stærsta stundin í sögu klúbbsins og vitnisburður um mikið og gott starf þjálfaranna Árna Sævars Jónssonar og Heiðars Davíðs Bragasonar og unglinganefndar. 

Sveitin samanstendur af þeim Þórdísi Rögnvaldsdóttur, Ásdísi Dögg Guðmundsdóttur, Elísu Rún Gunnlaugsdóttur, Birtu Dís Jónsdóttur, Ólöfu Maríu Einarsdóttur og Magneu Helgu Guðmundsdóttur. 

Glæsilegt, til hamingju!

Intersport Open 2011.

 

Smelli hér fyrir stærri mynd.

Dagskrá og tékklisti fyrir golfævintýri GHD.

  
  Golfævintýri  GHD  í
Dalvíkurbyggð

 

Dagskrá:

Fimmtudagur 23. júní.

            Mæting í Húsabakkaskóla eftir kl. 20.

            Þátttakendur komi sér fyrir

Föstudagur 24. júní.

         8:15    Morgunmatur

         9:15    Rúta á völlinn

         9:30 - 16:30   Golf á Arnarholtsvelli (yngri hópur 9:30- 15:30)

         11:30 - 13:30    Hádegismatur

         15:30 - 18:00    Laser (yngri hópur fyrst)

         18:30 - 19:30    Kvöldmatur

         20:00 - 22:00    Kvöldvaka: Golf quiz,leikir og fleira

 

Laugardagur 25. júní.

         8:15    Morgunmatur

         9:15    Rúta á völlinn

         9:30 - 16:30      Golf á Arnarholtsvelli (yngri hópur 9:30 -15:30)

         11:30 - 13:30    Hádegismatur

         15:30 - 18:00    Sundferð (yngri hópur fyrst)

         18:30 - 19:30    Kvöldmatur

         20:00 - 22:00    Kvöldvaka: Ratleikur, leikir og fleira.

 

Sunnudagur 26. júní.

         8:00    Morgunmatur

         9:00    Mótaröð Norðurlands - INTERSPORT OPEN

                                     Verðlaunaafhending og pizzuveisla

 

Tékklisti fyrir Golfævintýri

  Svefnpoki/sæng, lak og  koddi ( dýna á staðnum )

  Snyrtidót ( tannbursti,þvottapoki, sjampó, SÓLARVÖRN )

  Golfföt

  Föt til skiptana

  Nóg af sokkum

  Hlý föt

  Regnföt

  Aukaskór (gott er að vera með íþróttaskó )

  Sundföt

  Golfsett og það sem því fylgir

  Góða skapið og leikgleðina má ekki vanta

Golfævintýri GHD á Dalvík.

Smellið hér til að sjá auglýsinguna.

Golfæfingar í sumar.

Æfingar hjá börnum og unglingum hefjast mánudaginn 5. Júní og verða sem hér segir:

Mánudaga, þriðjudaga og fimmtudaga:

Byrjendur 14:00-15:00
Blandaður flokkur 15:00-16:00
Stelpur (með forgjöf) 16:30-18:00
Strákar (með forgjöf) 17:30-19:00

Á miðvikudögum verður mót þar sem þeir sem hafa getu til spila til forgjafar. (nánar farið yfir með þjálfurum)

Þjálfarar verða þeir Árni Jónsson, PGA þjálfari (863-9619) og Heiðar Davíð Bragason, PGA þjálfaranemi (698-0327) og munu þeir sjá um að raða í hópa.

Boðið verður upp á tveggja vikna byrjendanámskeið í Kirkjubrekkunni sem hefst mánudaginn 5. júní. Námkeiðið verður frá 13:00-14:00 frá mánudagi til föstudags. Ef þátttaka verður mjög mikil verður hópnum hugsanlega tvískipt og hefst þá seinni æfingin klukkan 14:00. Kostnaður við námskeiðið er 2.500 kr. Að námskeiðinu loknu færast æfingar hjá þeim sem þess óska inn í Svarfaðardal og kemur þá námskeiðisgjaldið til með að ganga upp í árgjaldið.

Þriðjudaginn 7. Júní klukkan 17:00 verður fundur með foreldrum þar sem farið verður yfir æfingar í sumar og þau verkefni sem framundan eru.

Með golfsumarkveðju

Stjórn barna- og unglingaráðs GHD

Opnunartímar og gjaldskrá í inniaðstöðu GHD.

OPNUNARTÍMI Í GOLFAÐSTÖÐU GHD

MÁNUDAGA:  KL. 16:00-19:30      KARLAKVÖLD KL. 19:30
ÞRIÐJUDAGA: KL. 16:00-19:30         KONUKVÖLD KL.19:30
MIÐVIKUDAGA: KL. 16:00-22:00
FIMMTUDAGA: KL. 19:90-22:00
Laugardagar: Púttmót 11:00-13:00
ANNAÐ EFTIR SAMKOMULAGI

TÍMAPANTANIR Í GOLFHERMINN HJÁ SVERRIR Í SÍMA  6151003

GJALDSKRÁ

 STAKT SKIPTI Á ÆFINGASVÆÐIN KR. 500
KLIPPIKORT TÍU SKIPTI Á ÆFINGASVÆÐIN KR. 3000
VETRARKORT Á ÆFINGASVÆÐIN SEM GILDIR
FRAM Á VOR  KR. 8000
STAKT SKIPTI Í GOLFHERMINN KR. 1500
KLIPPIKORT TÍU SKIPTI Í GOLFHERMINN KR. 10000

Firmakeppni til styrktar unglingastarfi GHD.

Firmakeppni til styrktar unglingastarfi GHD verður laugardaginn 16. okt.
Hvetjum alla karla, konur, stelpur og stráka til að mæta og spila golf í góðu veðri.
Ræst verður út á öllum teigum kl. 10:00.
Ekkert þátttökugjald.

Skráning á www.golf.is/ghd

 

Litla meistarmótið verður 12 sept.

Litla meistarmótið er meistaramót unglinga í GHD.

Spilað verður í sjö flokkum.

- Strákar 18 holur af gulum teigum.

- Strákar 18 holur af rauðum teigum.

- Strákar 9 holur af rauðum teigum.

- Stúlkur 18 holur af rauðum teigum.

- Stúlkur 9 holur af rauðum teigum.

- Blandaður flokkur 9 holur af gull teigum.

- Byrjendur sér brautir á æfingasvæði.

Skráning er á golf.is.

18 holu flokkarnir byrja kl. 10:00
9 holu flokkar byrja um 12:30

Uppgjör sumarsins, golfstúlka, golfdrengur, Landflutninga - N1 meistarar krýndir og fleira.


Pizzuveisla verður eftir mót.

Holukeppnin.

Í átta manna úrslitum karla í holukeppninni án forgjafar spila saman:

1. Sigurður Ingvi og Björn Már
2. Sigurður Jörgen og Kristbjörn
3. Arnór Snær og Guðmundur Stefán
4. Gústaf og Alex.

Með Forgjöf spila saman:

1. Jóhann Ólafur og Hákon
2. Bjarni og Ómar
3. Friðrik Hreinn og Guðmundur Freyr
4. Dónald og Hjörleifur.

Í undanúsrlitum spila svo saman sigurvegararnir úr leikjum eitt og tvö, og sigurvegararnir úr leikjum þrjú og fjögur.

Í undanúrslitum kvenna án forgjafar spila saman:

Jónína Björg og Ásdís
Indíana og Gígja

Með forgjöf spila saman:

Lilja og Bryndís
Gúðrún og Ólöf.

Öllum leikjum þarf að vera lokið fyrir laugardaginn 4. september en þá verða úrslitaleikirnir spilaðir.