Sveitakeppni unglinga 18 ára og yngri.

 

Stúlknasveit GHD stóð sig frábærlega í sveitakeppni unglinga 18 ára og yngri sem haldin var á Flúðum, en liðið hafði verið skráð í keppni 16 ára og yngri en flokkunum var skellt saman í einn flokk þar sem fáar sveitir skráðu sig til leiks.

Sveitina skipuðu Vaka Arnþórsdóttir, Jónína Björg Guðmundsdóttir, Þórdís Rögnvaldsdóttir, Ásdís Dögg Guðmundsdóttir, Birta Dís Jónsdóttir og Elísa Gunnlaugsdóttir.

Á fimmtudeginum var farinn æfingahringur og á föstudeginum spiluðu Vaka, Jónína, Þórdís og Ásdís í höggleik þar sem þrjú bestu skorin töldu. Þórdís spilaði nokkuð vel og lék hringin á 86 höggum, en hinar náðu sér ekki nægilega vel á strik og lékVaka á 98 höggum, Jónína á 104 höggum og Ásdís á 113 höggum og lentu stelpurnar í 7. sæti á 288 höggum, jafn mörgum og c sveit GK sem náði 6. sætinu á betra skori hjá 4. manni.

Á laugardeginum byrjaði holukeppnin á leik við a sveit GK þar sem Vaka og Ásdís kepptu í fjórmenningi við Guðrúnu Brá Björgvinsdóttur íslandsmeistara í holukeppni og höggleik 15-16 ára og Arndísi Evu Finnsdóttur sem lenti í öðru sæti í sama flokki í höggleiknum og töpuðu þær 8/6, Þórdís keppti við Auði Björt Skúladóttur sem varð í 4. sæti á íslandsmótinu í holukeppni og 5. sæti í höggleik 17 - 18 ára og tapaði hún 1/0,  Jónína keppti við Jódísi Bóasdóttur sem varð í þriðja sæti í flokki 17 - 18 ára á íslandsmótinu í höggleik og tapaði hún 7/6.

Annar leikurinn var við b sveit GR og kepptu Vaka og Ásdís við Ásdísi Einarsdóttur og Ragnhildi Kristinsdóttur og stóðu þær vel í þeim og töpuðu 4/2,  Jónína lék gegn Höllu Björk Ragnarsdóttur og tapaði hún 8/6, Þórdís lég gegn Hildi Kristínu Þorvarðardóttur og tapaði 4/2.

Á sunnudeginum var leikið við c sveit GK og voru stelpurna staðráðnar í að vinna þann leik, Vaka og Ásdís léku gegn Söru Margréti Hinriksdóttur og Þóru Kristínu Ragnarsdóttur og unnu þær 3/1, Þórdís lék mjög vel gegn Hönnu Maríu Jónsdóttur og vann 8/7, Jónína lék gegn Kolbrúnu Rut Árnadóttur og tapaði 2/0 og lentu stelpurnar í 3. sæti í riðlinum og léku því um 5. sætið í keppninni gegn GKG. Þar léku Vaka og Ásdís gegn tvíburunum Ninnu og Jónu Þórarinsdætrum og töpuðu 7/6, Jónína lék gegn Selmu Dögg Kristjánsdóttur og Þórdís gegn Hrafnhildi Gunnarsdóttur og töpuðu þær báðar á síðustu holunni 1/0 eftir spennand leiki sem þær áttu alveg séns á að vinna.

6. sætið varð niðurstaðan hjá yngstu sveitinni í keppninni og er það framar öllum væntingum sem gerðar voru þegar lagt var af stað og er ætluniin að ná enn lengra á næsta ári.

 

"Sameiginleg sveit GSS/GHD og GA náðu þeim frábæra árangri að verða í öðru sæti í sveitakeppni pilta 18. ára og yngri sem fram fór á Flúðum um helgina. Sveitina skipuðu Örvar Samúelsson GA Sigurður Ingvi Rögnvaldsson GHD og þeir Oddur Valsson og Brynjar Örn Guðmundsson GSS. Ljóst var að þessi sveit var geysisterk og myndi berjast um efstu sætin í mótinu. Eftir nokkuð brösótt gengi í höggleiknum á föstudegi þar sem okkar strákar voru reyndar aðeins þrír þar sem Brynjar var á leið frá Barcelona, en eftir hann var liðið í 3 sæti, tóku strákarnir málin í sínar hendur og komust alla leið í úrslitaleikinn gegn Golfklúbbi Reykjavíkur. Strákarnir sigruðu í 1. og 2. leiknum 3-0 en í þriðju umferð unnu þeir 2-1. Í lokaleiknum um sigurinn sigraði Örvar Samúelsson í sínum leik en hinir töpuðu. Niðurstaðan varð því 1-2 tap. Engu að síður frábær árangur hjá strákunum, sem voru einbettir og spiluðu vel í holukeppninni." (tekið af http://www.gss.blog.is/ )